Bakının Xətai rayonunda təmir işləri ilə əlaqədar sentyabrın 12-də saat 07:00-dan etibarən üç küçədə nəqliyyat vasitələrinin hərəkəti məhdudlaşdırılacaq.
Bu barədə Azərbaycan Avtomobil Yolları Dövlət Agentliyi (AAYDA) məlumat yayıb.
Məhdudiyyət Abdulla Rəhimov, İlqar Abbasov və Həzi Aslanov küçələrində tətbiq olunacaq. Təmir işləri ilə əlaqədar ərazilərdə nəqliyyatın hərəkəti tam və ya qismən məhdudlaşdırıla bilər. Sözügedən məhdudiyyətlər təmir işləri başa çatanadək qüvvədə olacaq.
Sürücülərə alternativ yollardan istifadə etmələri tövsiyə olunur.
