Milli Məclis əcnəbilərin və vətəndaşlığı olmayan şəxslərin Azərbaycanda müvəqqəti olma müddətinin uzadılması ilə bağlı prosedurların elektronlaşdırılmasını nəzərdə tutan qanun layihəsini son oxunuşda qəbul edib.
Yeni qaydalara əsasən, müraciətlə bağlı qərarlar kağız daşıyıcı əvəzinə müraciət edənin Elektron Hökumət İnformasiya Sistemindəki elektron kabinetinə yerləşdiriləcək və elektron poçt ünvanına göndəriləcək.
Qanuna əsasən, müvəqqəti olma müddətinin uzadılması üçün tələb olunan sənədlər tam təqdim edilmədikdə müraciətə imtina veriləcək.
Bundan başqa, qərarın yenidən rəsmiləşdirilməsinə görə dövlət rüsumu tutulmayacaq. Qanun qüvvəyə minməzdən əvvəl verilmiş qərarlar isə üzərində göstərilən müddətin sonunadək etibarlı olacaq.
