Qaradağ rayonunda anbardan 70 min manata yaxın dəyəri olan mobil telefon və aksesuarlar oğurlanıb.
Rayon ərazisində fəaliyyət göstərən şirkətlərdən birinə məxsus anbardan mobil telefon və aksesuarların oğurlanması barədə polisə məlumat daxil olub.
Polis əməkdaşlarının keçirdikləri tədbirlər nəticəsində əməli törətməkdə şübhəli bilinən 33 yaşlı A. Bağırov və 35 yaşlı R. Rəsullu müəyyən edilərək saxlanılıblar.
Araşdırma zamanı R. Rəsullunun həmin anbarda işlədiyi məlum olub.
Faktla bağlı cinayət işi başlanılıb, araşdırmalar davam etdirilir.
