Milli Məclis küləkli hava şəraitində işçilərin işləməsi ilə bağlı yeni qaydaları nəzərdə tutan qanun layihəsini son oxunuşda qəbul edib.
Layihəyə əsasən, küləkli havada açıq iş yerlərində, o cümlədən həmin ərazilərdəki qurğularda çalışan işçilərə müəyyən edilmiş qaydada fasilələr veriləcək və işlər dayandırılacaq.
Sənədə görə, küləyin gücü 6–8 bal olduqda quruda istismar edilən kranlarla işlərin görülməsinə yalnız kranların texniki pasportlarında nəzərdə tutulan hallarda icazə veriləcək.
Küləyin gücü 8 baldan artıq olduqda isə həmin kranlarla bütün növ işlər dayandırılacaq.
