Noyabrın 7-də Azərbaycanda bəzi yerlərdə yağış yağacaq, şimşək çaxacaq, ayrı-ayrı ərazilərdə dolu düşəcək. Dağlıq ərazilərdə qar yağacağı ehtimalı var.
Milli Hidrometeorologiya Xidmətinin məlumatına görə, Bakıda və Abşeron yarımadasında bəzi yerlərdə fasilələrlə yağış yağacağı gözlənilir. Gündüz yarımadanın ayrı-ayrı ərazilərində yağışın qısamüddətli intensiv olacağı və şimşək çaxacağı ehtimal edilir. Şimal-şərq küləyi axşam mülayim şimal-qərb küləyi ilə əvəz olunacaq.
Bakıda və Abşeron yarımadasında havanın temperaturu gecə 8-11, gündüz 15-18 dərəcə isti olacaq. Atmosfer təzyiqi 761 millimetr civə sütunundan 754 millimetr civə sütununa enəcək. Nisbi rütubət 70-80 faiz təşkil edəcək.
Rayonlarda da bəzi yerlərdə arabir yağıntı gözlənilir. Ayrı-ayrı ərazilərdə yağışın qısamüddətli intensiv olacağı, şimşək çaxacağı və dolu düşəcəyi ehtimal olunur. Dağlıq ərazilərdə qar yağacağı, bəzi yerlərdə duman olacağı gözlənilir. Qərb küləyi arabir güclənəcək.
Rayonlarda havanın temperaturu gecə 8-12, gündüz 14-17 dərəcə isti olacaq. Dağlıq ərazilərdə gecə 3 dərəcə şaxtadan 2 dərəcəyədək isti, gündüz isə 2-6 dərəcə isti qeydə alınacaq.
