“Koroğlu” metrostansiyasının qarşısında ekspres avtobusların hərəkəti ilə bağlı dəyişiklik edilib.
AYNA-dan bildirilib ki, M4 və M6 nömrəli ekspres avtobusların “Koroğlu” Nəqliyyat Mübadilə Mərkəzinə rahat daxil olması üçün ərazidəki ikinci “cib” yalnız ekspres marşrutlar üçün ayrılıb və burada avtobus zolağı təşkil edilib.
Ərazidə yol nişanları quraşdırılıb və nişanlanma xətləri çəkilib. Həmçinin sərnişinlərin metro stansiyasına təhlükəsiz keçidi üçün piyada keçidi yaradılıb.
Dəyişiklik nəticəsində ekspres və müntəzəm avtobusların hərəkətinin nizamlanması və sərnişin axınlarının ayrılması təmin olunub.
