Azərbaycan Xarici İşlər Nazirliyi (XİN) Pakistanda məktəb binasının bir hissəsinin uçması nəticəsində insanların həlak olması ilə əlaqədar başsağlığı verib.
Nazirliyin “X” sosial şəbəkə hesabında yayılan paylaşımda bildirilib:
“Pakistanın qardaş xalqına Pişəvərdə məktəb binasının bir hissəsinin uçması nəticəsində çoxsaylı şagirdin və bir müəllimin həyatını itirməsi ilə əlaqədar dərin hüznlə başsağlığı verir və təəssüfümüzü bildiririk. Həyatını itirənlərin ailələrinin kədərini bölüşür, bu faciədən zərər çəkən hər kəsə dərin hüznlə başsağlığı veririk”.
Qeyd edək ki, Pakistanın Peşəvər şəhərinin Dir-Koloni rayonunda özəl məktəbin damının uçması nəticəsində azı 34 şagird və bir müəllimə həyatını itirib.
