Azərbaycanın qadın voleybolçulardan ibarət millisi bu gün Bakıda keçirilən Avropa çempionatının C qrupunda Belçika ilə qarşılaşacaq.
Görüş Milli Gimnastika Arenasında saat 18:30-da başlayacaq.
Qrupun digər oyununda saat 15:30-da İspaniya və Portuqaliya yığmaları üz-üzə gələcək.
C qrupunun oyunları avqustun 28-dək Bakıda keçiriləcək. Faiq Qarayevin baş məşqçisi olduğu Azərbaycan millisi hazırda 8 xalla üçüncü pillədə qərarlaşıb. Eyni xala malik Niderland birinci, Belçika isə ikinci sıradadır.
