İran Hörmüz boğazında yeni dəhlizin yaradılması, minaların birgə təmizlənməsi və boğazın gələcək idarəçiliyi ilə bağlı plan təklif edib.
İranın xarici işlər naziri Abbas Əraqçi “X” sosial şəbəkəsində bildirib ki, Pakistan və Oman nümayəndələri ilə aparılan danışıqlarda regional həll yolları müzakirə olunub.
O qeyd edib ki, İranın sülh və sabitliyə sadiqliyi qonşu ölkələrlə diplomatik əlaqələrlə müşayiət olunur. Əraqçinin sözlərinə görə, Hörmüz boğazı ilə bağlı təklif olunan çərçivə yeni dəhlizin yaradılması, minaların birgə təmizlənməsi və boğazın gələcək idarəçiliyini nəzərdə tutur.
İran və Oman arasında aparılan müzakirələrdə həmçinin boğazda müvəqqəti birgə naviqasiya dəhlizinin yaradılması və minaların təmizlənməsi üzrə birgə layihənin həyata keçirilməsi məsələləri müzakirə edilib. Tərəflərin gələcək danışıqlarda daimi naviqasiya dəhlizi, boğazın gələcək idarəçiliyi, məlumat mübadiləsi və gəmi hərəkətinin tənzimlənməsi mexanizmlərini müzakirə etməsi planlaşdırılır.
