Ermənistanın Baş naziri Nikol Paşinyan Azərbaycan və Ermənistan xalqlarının ən etibarlı sülhməramlılar olduğunu bildirib.
Paşinyanın sözlərinə görə, Kollektiv Təhlükəsizlik Müqaviləsi Təşkilatının (KTMT) və digər xarici sülhməramlı qüvvələrin Ermənistan ərazisinə daxil olmasına ehtiyac yoxdur.
O bildirib ki, hazırda sülh bərqərar olub və heç bir xarici sülhməramlı qüvvə Ermənistan ərazisinə daxil olmayacaq.
Qeyd edək ki, Ermənistan və Azərbaycan arasında sülh prosesinin davam etdiyi barədə son dövrdə də müxtəlif rəsmi açıqlamalar verilib.
