Avropa Komissiyası “TikTok”u uşaqların onlayn təhlükəsizliyinin qorunması ilə bağlı Aİ qaydalarını pozmaqda ittiham edib.
Qurumun bildirdiyinə görə, platformada azyaşlı istifadəçilərin hesab tənzimləmələri kifayət qədər təhlükəsiz deyil. Xüsusilə, açıq profillərin uşaqları kiberbullinq və arzuolunmaz əlaqələr riski ilə üz-üzə qoyduğu vurğulanıb.
Komissiya “TikTok”dan yeniyetmələrin hesabları üçün təhlükəsizlik ayarlarını sərtləşdirməyi tələb edib. Pozuntular təsdiqlənərsə, şirkət illik qlobal dövriyyəsinin 6 faizinə qədər cərimələnə bilər.
” TikTok” isə ittihamları araşdıracağını və Avropa qurumları ilə əməkdaşlığı davam etdirəcəyini açıqlayıb.
Qeyd edək ki, bu, son iki ildə Aİ-nin “TikTok”a qarşı başladığı dördüncü araşdırmadır.
