Rusiyanın Yaroslavl vilayətindəki neft emalı zavodunda (NEZ) pilotsuz uçuş aparatlarının (PUA) hücumu nəticəsində yanğın baş verib.
“İnterfaks”ın məlumatına görə, bunu Yaroslavl vilayətinin rəhbəri Mixail Yevrayev bildirib.
Onun sözlərinə görə, vilayət üzərində 65 PUA məhv edilib.
“Bu gün düşmən PUA-larının böyük hücumu dəf edilib. 65 pilotsuz uçuş aparatı vurulub. (…) Neft emalı zavodunda zədələnmələr var. Yanğınların operativ şəkildə söndürülməsi aparılır”, – Yevrayev bildirib.
Məlumata görə, PUA hücumları nəticəsində xəsarət alan olmayıb.
Yevrayev əlavə edib ki, hazırda vilayət ərazisində PUA-ların birbaşa hücum təhlükəsi yoxdur.
