Milli Kibertəhlükəsizlik Agentliyi (MKA) “TikTok” platformasında ödəniş sistemlərini təqlid edən 6 sayt və onları yayan hesablar aşkarlayıb.
Bildirilib ki, saxta saytlar “Azercell”, “Bakcell” və “Nar”ın endirimli internet və danışıq paketlərini təklif edir. Saytlar real ödəniş xidməti göstərmir və istifadəçilərdən bank kartı məlumatlarını tələb edir.
MKA-nın araşdırmasına görə, bu hallar ayrı-ayrı hadisələr deyil, eyni sxem üzrə fəaliyyət göstərən şəbəkənin tərkib hissəsidir. Saxta saytlar “TikTok” hesabları vasitəsilə ödənişli reklamlarla yayılıb.
Agentlik istifadəçiləri belə saytlarda bank kartı məlumatlarını daxil etməməyə çağırıb.
