Gürcüstanda yağan güclü yağışlar Telavi şəhərində genişmiqyaslı daşqına səbəb olub.
Məlumata görə, Telavisxevi çayı məcrasından çıxaraq şəhərin küçə və prospektlərini, yaşayış binalarını, mağaza və digər obyektləri su altında qoyub. Daşqın nəticəsində avtomobillərə, elektrik və qaz infrastrukturuna ciddi ziyan dəyib, minlərlə abonent işıqsız və qazsız qalıb.
Ən ağır vəziyyət Kafkasioni küçəsində qeydə alınıb. Sel suları iki küçəni birləşdirən körpünü tamamilə dağıdıb.
Hazırda sakinlərin təxliyəsi aparılır, bəzi küçələrdə nəqliyyatın hərəkəti məhdudlaşdırılıb. Təbii fəlakətin fəsadlarının aradan qaldırılması üçün operativ qərargah yaradılıb.
