Ukrayna ordusunun Rusiyanın Belqorod vilayətinə endirdiyi zərbələr nəticəsində 1 nəfər həlak olub, 9 nəfər yaralanıb.
Belqorod vilayətinin qubernatoru vəzifəsini müvəqqəti icra edən Aleksandr Şuvayev bildirib ki, ötən sutka ərzində Ukrayna Silahlı Qüvvələri bölgəyə 157 zərbə endirib.
Onun sözlərinə görə, yaralananlardan dördü xəstəxanada müalicə alır.
Şuvayev əlavə edib ki, hava hücumundan müdafiə qüvvələri və digər bölmələr 177 pilotsuz uçuş aparatını zərərsizləşdirib.
