İnsan alverinə qarşı mübarizəyə dair Milli Fəaliyyət Planının icrası ilə bağlı dövlət qurumlarının vəzifələri müəyyənləşdirilib.
Baş nazir Əli Əsədovun imzaladığı sərəncama əsasən, aidiyyəti mərkəzi icra hakimiyyəti orqanları Prezidentin “Azərbaycan Respublikasında insan alverinə qarşı mübarizəyə dair 2026–2030-cu illər üçün Milli Fəaliyyət Planı”nın icrası ilə bağlı təkliflərini 2027-ci il iyulun 1-dək hazırlayıb təqdim etməlidirlər.
Sərəncama görə, İqtisadi İslahatların Təhlili və Kommunikasiya Mərkəzi isə 2027-ci ildən etibarən Milli Fəaliyyət Planının monitorinqini və qiymətləndirilməsini həyata keçirəcək.
