İspaniyanın xarici işlər naziri Xose Manuel Albares İtaliyanın Madriddəki səfirini Xarici İşlər Nazirliyinə çağırıb.
Buna səbəb İtaliyanın xarici işlər naziri Antonio Tayaninin Seutadakı miqrasiya böhranı fonunda İspaniya ilə Şengen sazişinin fəaliyyətinin dayandırılması ilə bağlı səsləndirdiyi fikirlər olub.
Albares bildirib ki, bu cür bəyanatlar dost və tərəfdaş ölkənin xarici işlər nazirinə yaraşmır.
Son bir həftədə 1 500-dən çox miqrant Mərakeşdən Seutaya keçib. İspaniya hakimiyyəti böhran fonunda şəhərdə təhlükəsizliyin gücləndirilməsi üçün hərbçiləri cəlb edib. İyulun 31-də Baş nazir Pedro Sançes və daxili işlər naziri Fernando Qrande-Marlaskanın Seutaya səfəri gözlənilir.
