Rusiyanın ən böyük marketpleyslərindən biri olan Ozon Nijni Novqoroddakı ən iri logistika mərkəzinin damında qeyri-adi yazı yerləşdirib: “Bu, Wildberries deyil. Bizdən yan keçin.”
Şirkətin bu addımı son vaxtlar Rusiyada pilotsuz uçuş aparatlarının hücumlarının artması fonunda diqqət çəkib. Müşahidəçilərin fikrincə, Ozon obyektin başqa şirkətə məxsus anbar kimi səhv salınmasının qarşısını almağa və mümkün hücum riskini azaltmağa çalışır.
Sosial şəbəkələrdə yayılan görüntülər geniş müzakirələrə səbəb olub. Şirkət isə məsələ ilə bağlı rəsmi açıqlama verməyib.
Xatırladaq ki, son bir neçə gündə Rusiyanın müxtəlif bölgələrində Wildberries şirkətinə məxsus anbar və logistika obyektlərinin pilotsuz uçuş aparatları ilə vurulduğu barədə məlumatlar yayılıb. Bu hadisələrdən sonra iri logistika mərkəzlərində təhlükəsizlik tədbirləri gücləndirilib.
