Bu il magistraturaya qəbul üzrə ayrılmış 17 658 plan yerinin 13 845-i, yəni 78,41 faizi dolub.
Bunu Dövlət İmtahan Mərkəzinin (DİM) İdarə Heyətinin sədri Məleykə Abbaszadə bildirib.
Onun sözlərinə görə, ümumilikdə 23 ali təhsil müəssisəsində plan yerlərinin 70 %-dən çoxu dolub. Həmin ali məktəblərdən 7-də qəbul göstəricisi 90 %-i ötüb.
Məleykə Abbaszadə qeyd edib ki, qəbul proqramları üzrə də oxşar vəziyyət müşahidə olunur. Belə ki, 45 proqram üzrə plan yerlərinin 70 %-dən çoxu, 8 proqram üzrə isə bütün plan yerləri dolub.
O əlavə edib ki, qəbul olunanların qeydiyyatı başa çatdıqdan sonra hazırda boş qalan 3 813 plan yeri, eləcə də qeydiyyatdan keçməyən bakalavrlar səbəbindən boşalan yerlərlə bağlı ayrıca məlumat açıqlanacaq və həmin yerlər üzrə yenidən müsabiqə keçiriləcək
