Ukraynanın Zaporojye vilayətində Rusiya tərəfindən endirilən zərbələr nəticəsində 18 nəfər həlak olub, beş nəfər yaralanıb.
Ukrayna Dövlət Fövqəladə Hallar Xidmətinin məlumatına görə, səhər saatlarında yaşayış məntəqəsinə bir neçə aviasiya bombası ilə zərbə endirilib. Zərbələrdən biri humanitar yardımın paylandığı məktəbə düşüb.
Ukrayna Prezidenti Volodimir Zelenski bildirib ki, ilk zərbədən sonra daha doqquz bomba ilə təkrar hücum həyata keçirilib. Onun sözlərinə görə, zərbələrdən biri insanların olduğu sığınacağa düşüb.
Hadisə nəticəsində 18 nəfərin öldüyü, beş nəfərin yaralandığı bildirilir.
