Fransada bu il meşə yanğınlarını qəsdən törətməkdə şübhəli bilinən 128 nəfər saxlanılıb.
Bu barədə ölkənin daxili işlər naziri Loran Nünez Jirond departamentinə səfəri zamanı açıqlama verib.
Nazir bildirib ki, ilin əvvəlindən ölkədə təxminən 12 min 500 yanğın ocağı qeydə alınıb və alov 44 min hektardan çox ərazini əhatə edib.
Onun sözlərinə görə, Fransa hazırda “qırmızı risk zonası”ndadır. Yüksək temperatur və quru bitki örtüyü yanğınların sürətlə yayılmasına şərait yaradır.
Loran Nünez vətəndaşları ehtiyatlı olmağa çağırıb. Hazırda ölkənin bir sıra bölgələrində yanğın təhlükəsinin yüksək olaraq qaldığı bildirilir.
