İyulun 24-də Azərbaycanda hava şəraitinin əsasən yağmursuz keçəcəyi gözlənilir.
Milli Hidrometeorologiya Xidmətinin məlumatına görə, Bakıda və Abşeron yarımadasında hava günəşli olacaq. Cənub-şərq küləyi əsəcək.
Havanın temperaturu gecə 23-25, gündüz 33-38 dərəcə isti təşkil edəcək. Atmosfer təzyiqi 753 millimetr civə sütunu, nisbi rütubət isə gecə 75-80, gündüz 45-50 faiz olacaq.
Rayonlarda da əsasən yağmursuz hava müşahidə olunacaq. Günün ikinci yarısında bəzi dağlıq ərazilərdə qısamüddətli yağış, şimşək və dolu ehtimalı var. Bəzi dağlıq ərazilərdə arabir duman müşahidə ediləcək.
Havanın temperaturu rayonlarda gecə 22-27, gündüz 35-39 dərəcə isti, dağlıq ərazilərdə isə gecə 15-20, gündüz 25-30 dərəcə isti olacaq.
