2020-ci il Vətən müharibəsindən bəri Ermənistanın mina ilə çirkləndirdiyi ərazilərdə baş verən partlayışlar nəticəsində Azərbaycanda 433 nəfər zərərçəkən olub.
Bu barədə Xarici İşlər Nazirliyi (XİN) “X” sosial şəbəkəsində paylaşım edib.
Bildirilib ki, son mina partlayışı nəticəsində Azərbaycanın iki vətəndaşı ağır yaralanıb.
“Bu faciə minaların hələ də yaratdığı ağır humanitar nəticələri və günahsız insanların hər gün üzləşdiyi təhlükələri bir daha xatırladır. Minalardan təmizləmə işlərinin genişləndirilməsi üçün beynəlxalq dəstəyin gücləndirilməsinə təcili ehtiyac var. Minalardan azad gələcək dayanıqlı sülhün, inkişafın və insan təhlükəsizliyinin təmin olunmasının əsas şərtidir”.
