Elm və təhsil naziri Emin Əmrullayev avqustun 28-də Xankəndi şəhərində vətəndaş qəbulu keçirəcək.
Nazirliyin məlumatına görə, qəbulda Xankəndi, Xocalı və Ağdərə rayonlarının sakinləri iştirak edə biləcəklər.
Qəbula yazılmaq istəyən vətəndaşlar avqustun 14-ü saat 18:00-dək Elm və Təhsil Nazirliyinin 146-11 Çağrı Mərkəzinə (yalnız iş günləri və iş saatlarında) zəng edə bilərlər.
Müraciətləri həmçinin nazirliyin rəsmi internet saytının əlaqə bölməsi vasitəsilə elektron qaydada və ya +994 51 206 78 48 nömrəsinə “WhatsApp” üzərindən göndərmək mümkündür.
Nazirlik qeyd edib ki, qəbulda iştirak üçün əvvəlcədən qeydiyyatdan keçmək mütləqdir.
