Türkiyə Prezidenti Rəcəb Tayyib Ərdoğan Türk Dövlətləri Təşkilatının (TDT) Ankara sammiti çərçivəsində Azərbaycanın xarici işlər naziri Ceyhun Bayramovu qəbul edib.
Görüşdə Azərbaycan-Türkiyə münasibətlərinin hazırkı vəziyyəti müzakirə olunub, iki ölkə arasında müttəfiqlik əlaqələrinin möhkəmləndirilməsinin əhəmiyyəti vurğulanıb.
Tərəflər, həmçinin TDT çərçivəsində əməkdaşlığın genişləndirilməsi, Türk dünyasının birliyinin və həmrəyliyinin gücləndirilməsi, eləcə də qarşılıqlı maraq doğuran regional məsələlər ətrafında fikir mübadiləsi aparıblar.
