Ukrayna Prezidenti Volodimir Zelenski Rusiyanın Kiyev və vilayətə endirdiyi kütləvi zərbələr nəticəsində indiyədək 44 nəfərin xəsarət aldığı barədə məlumat verib.
Onun sözlərinə görə, hücumun əsas hədəfi mülki müəssisələrə məxsus anbarlar olub. Bundan başqa, infrastruktur obyektlərinə və dəmir yolu vağzalına da zərbələr endirilib.
Zelenski tərəfdaş ölkələri Ukraynaya hava hücumundan müdafiə sistemləri və ballistik raketlərin qarşısını alan raketlərin tədarükünü sürətləndirməyə çağırıb.
O bildirib ki, bu cür silahların daha tez çatdırılması mülki əhali arasında yeni itkilərin qarşısının alınmasına kömək edəcək.
