Rusiya Xarici İşlər Nazirliyi Ermənistanı Avrasiya inteqrasiyasından uzaqlaşaraq Avropa İttifaqına yaxınlaşma siyasətini “şaxələndirmə” adı altında gizlətməkdə ittiham edib.
Bunu Rusiya Xarici İşlər Nazirliyinin İnformasiya və Mətbuat Departamentinin direktor müavini Aleksey Fadeyev bildirib.
Onun sözlərinə görə, dövlətlərin çoxtərəfli xarici siyasət yürütməsi normaldır, lakin “şaxələndirmə” anlayışı Avrasiya inteqrasiyasından və ənənəvi müttəfiqdən uzaqlaşaraq Rusiyaya açıq şəkildə düşmən münasibət bəsləyən Avropa İttifaqına yönəlməyi pərdələməməlidir.
Fadeyev Ermənistan məhsullarının Rusiyaya ixracı ilə bağlı yaranan problemlərə də toxunaraq bildirib ki, məsələ Rusiyanın tətbiq etdiyi məhdudiyyətlərlə deyil, məhsulların keyfiyyəti ilə bağlıdır.
