Yaponiyanın Kyuşu adasındakı Kumamoto prefekturasında baş vermiş 7,1 maqnitudalı zəlzələ nəticəsində ölənlərin sayı 34-ə çatıb.
Kumamoto prefekturasının təbii fəlakətlərə reaksiya qərargahının məlumatına görə, həlak olanlardan səkkizi Yatsuşiro şəhərində yerləşən “Nippon Paper Industries” zavodunda tüstü borusunun uçması nəticəsində həyatını itirib.
Kaşima şəhərindəki “AEON Mall” ticarət mərkəzində aparılan xilasetmə əməliyyatı zamanı bu gün səhər saatlarında daha iki nəfər tapılıb. Onlardan birinin öldüyü təsdiqlənib və bununla da ticarət mərkəzində ölənlərin sayı 5-ə yüksəlib.
Məlumata görə, zəlzələ nəticəsində 39 nəfər ağır, 22 nəfər isə yüngül xəsarət alıb.
Hazırda Kumamoto prefekturasında 415 təxliyə mərkəzi fəaliyyət göstərir. Eyni zamanda, təxminən 74 800 ev təsərrüfatı susuz, 23 minə yaxın ev isə elektrik enerjisiz qalıb.
