Xırdalan şəhərində ər və arvad arasında baş verən mübahisə ölümlə nəticələnib.
TƏBİB-in məlumatına görə, Respublika Təcili və Təxirəsalınmaz Tibbi Yardım Mərkəzinə Abşeron rayonu, Xırdalan şəhəri, M. Hüseynzadə küçəsindən çağırış daxil olub. Hadisə yerində bir kişinin həkiməqədər ölüm faktı qeydə alınıb.
Qadın isə Abşeron Rayon Mərkəzi Xəstəxanasına hospitalizasiya edilib. Ona boyun, baş, döş qəfəsi, said, çiyin və bazu nahiyələrinin açıq və çoxsaylı yaraları, həmçinin qarın divarının kontuziyası diaqnozları qoyulub. Vəziyyəti orta ağır qiymətləndirilən pasiyent müayinələrdən sonra cərrahi əməliyyata alınıb.
İlkin məlumata görə, 1972-ci il təvəllüdlü Tərlan İbrahimov və 1978-ci il təvəllüdlü Günəş İbrahimova arasında yaşadıqları evdə yaranan mübahisə bıçaqlanma ilə nəticələnib. Tərlan İbrahimov aldığı xəsarətlərdən hadisə yerində ölüb.
Faktla bağlı araşdırma aparılır.
