ABŞ Prezidenti Donald Tramp İranla müharibədə mühüm qərar mərhələsinə gəldiyini bildirib. O, münaqişəni başa çatdırmaq üçün genişmiqyaslı hərbi əməliyyatların bərpa edilib-edilməməsi ilə bağlı qərar verməli olduğunu deyib.
Tramp bu barədə “Axios”a müsahibəsində danışıb. O, İran rejimini “məhv edib-etməmək” barədə mühüm qərar qəbul etməli olduğunu bildirib.
Bu açıqlamalar ABŞ prezidentinin BMT Baş Assambleyasının sessiyası çərçivəsində Fars körfəzinin altı ölkəsinin — Səudiyyə Ərəbistanı, BƏƏ, Qətər, Bəhreyn, Küveyt və Oman — liderləri ilə keçirilməsi planlaşdırılan görüşündən əvvəl səslənib. Görüşdə münaqişənin növbəti mərhələsi və mümkün diplomatik həll yollarının müzakirə ediləcəyi gözlənilir.
Tramp daha əvvəl, avqust ayında Səudiyyə Ərəbistanı və Qətərin İranın mümkün cavab zərbələrinin neft və qaz obyektlərinə yönələ biləcəyi ilə bağlı narahatlıqlarından sonra genişmiqyaslı hərbi əməliyyatların bərpasını təxirə salmışdı.
