ABŞ Prezidentinin xüsusi nümayəndəsi Stiv Uitkoff Kiyevdə Ukrayna Prezidenti Volodimir Zelenski ilə görüşdən sonra ABŞ, Rusiya və Ukraynanın yaxın zamanda üçtərəfli danışıqlar formatına qayıda biləcəyini bildirib.
Uitkoff qeyd edib ki, Prezident Donald Tramp ona və kürəkəni Cared Kuşnerə müharibəyə son qoyulması üçün bir sıra razılaşmalar hazırlamağı tapşırıb.
Kuşner bildirib ki, tərəflər daha əvvəl istifadə olunan üçtərəfli formata qayıtmaq və bu istiqamətdə tezliklə irəliləyiş əldə etmək istəyirlər.
Uitkoff Kiyevdə keçirilən görüşləri vacib və məzmunlu adlandırıb.
