Qazaxıstan Prezidenti Kasım-Jomart Tokayev Dauren Kosanovu müdafiə naziri vəzifəsindən azad edib.
Bu barədə Qazaxıstan Prezidentinin mətbuat xidməti məlumat yayıb. Bildirilib ki, Tokayev bununla bağlı müvafiq sərəncam imzalayıb.
Kosanovun vəzifədən azad edilməsi sentyabrın 24-də Xəzər dənizində keçirilən hərbi təlimlər zamanı baş verən faciədən bir neçə gün sonraya təsadüf edib.
Hadisə zamanı 17 hərbçi dənizə düşüb. Onlardan 3-ü xilas edilib, 14 hərbçi isə həlak olub. Araşdırma çərçivəsində Müdafiə Nazirliyinin beş vəzifəli şəxsi saxlanılıb.
Qeyd edək ki, Tokayev sentyabrın 26-da Müdafiə Nazirliyindəki vəziyyətin hərtərəfli araşdırılması üçün komissiyanın yaradılmasını tapşırıb.
