Qazaxıstanın 10 vətəndaşı 2026–2027-ci tədris ilində Azərbaycan universitetlərində təhsil alacaq.
Bu, iki ölkənin Elm və Təhsil nazirlikləri arasında elm və ali təhsil sahəsində əməkdaşlığa dair imzalanmış saziş əsasında Hökumətlərarası Təqaüd Proqramı (HTP) çərçivəsində həyata keçiriləcək.
Tələbələr Bakı Dövlət Universiteti, Azərbaycan Dövlət İqtisad Universiteti, Azərbaycan Tibb Universiteti, ADA Universiteti və Üzeyir Hacıbəyli adına Bakı Musiqi Akademiyasında bakalavriat, magistratura və doktorantura pillələri üzrə təhsil alacaqlar.
