Əmək və Əhalinin Sosial Müdafiəsi Nazirliyinin məlumatına görə, Bakı və ətraf ərazilərdə yerləşən dövlət qurumlarında dəyişkən iş qrafiki tətbiq olunacaq.
Yeni iş rejimi sentyabrın 15-dən etibarən 2 ay müddətində sınaq məqsədilə tətbiq ediləcək.
İşçilər üç fərqli qrafik üzrə çalışacaqlar:
- 08:00–17:00
- 09:00–18:00
- 09:30–18:30
Hər rejim üzrə işçilərin ən azı 30 faizi çalışacaq.
Sınaq müddətində nəqliyyat sıxlığı qiymətləndiriləcək və nəticələrə əsasən iş rejimi ilə bağlı yekun təkliflər hazırlanacaq.
Xatırladaq ki, iş rejiminin dəyişkən iş qrafikinə əsasən təşkili Azərbaycan Respublikası Prezidentinin Sərəncamı ilə təsdiq edilmiş “Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramı”nda nəzərdə tutulmuş tapşırığa əsasən həyata keçirilir.
