Prezident İlham Əliyev “Gömrük tarifi haqqında” Azərbaycan Respublikasının Qanununda dəyişiklik edilməsi ilə bağlı qanunun tətbiqinə dair fərman imzalayıb.
Fərmana əsasən, Ələt Azad İqtisadi Zonasında istehsal edilən və ya kifayət qədər emal olunan Azərbaycan mənşəli mallar müəyyən şərtlərlə əsas iqtisadiyyata gətirilərkən 15 il müddətinə gömrük rüsumlarından azad ediləcək.
Güzəşt həmin malların həcminin azı 50 faizinin ölkə hüdudlarından kənara ixracı şərti ilə tətbiq olunacaq. Malların siyahısı və onların Ələt Azad İqtisadi Zonasından əsas iqtisadiyyata gətirilməsi qaydası Nazirlər Kabineti tərəfindən müəyyən ediləcək.
Nazirlər Kabinetinə bu məsələləri üç ay müddətində həll edib Prezidentə məlumat vermək tapşırılıb.
