Polşa parlament seçkilərinin nəticələrinə əsasən formalaşdırılmış koalisiya hökuməti tərəfindən idarə olunmağa davam edir.
Polşanın xarici işlər naziri Radoslav Sikorski bu barədə “X” sosial şəbəkəsində yazıb.
“Varşavadakı Konstitusiya Tribunalında ötən gecə baş verən hadisələri uğurlu adlandırmaq olmaz. Lakin alternativ olaraq Polşanın konstitusiyaya zidd şəkildə prezident respublikasına çevrilməsinə razılıq vermək olardı. Polşanı hələ də parlamentin seçdiyi koalisiya hökuməti idarə edir”, – Sikorski vurğulayıb.
Oktyabrın 30-u axşam saatlarında Varşavada Konstitusiya Tribunalının binası qarşısında etirazçılar toplaşıb. Onlardan bəziləri binaya daxil olmağa cəhd edib.
Gərginliyə məhkəmə rəhbərliyi ətrafında yaranmış münaqişənin səbəb olduğu bildirilir. Tribunalın saytında sədr Boqdan Svençkovskinin və onun müavini Bartoş Soxanskinin vəzifədən kənarlaşdırılması barədə məlumat dərc olunub.
Hadisələr fonunda Polşa Prezidenti Karol Navrotski Seneqala səfərini yarımçıq qoyaraq Varşavaya qayıdıb.
