İranın İslam İnqilabı Keşikçiləri Korpusu (SEPAH) ABŞ-ın Küveyt, Bəhreyn və İordaniyada yerləşən hərbi bazalarına zərbələr endirdiyini açıqlayıb.
SEPAH-ın bəyanatına görə, Küveytdəki “Əli əs-Salim” aviabazasında yanacaq çənləri və “Patriot” hava hücumundan müdafiə sistemi, “Əhməd əl-Cabir” bazasında isə strateji radar sistemi vurulub.
Qurum həmçinin Bəhreyndəki “Şeyx İsa” aviabazasına və İordaniyadakı ABŞ hərbi obyektlərinə də raket və pilotsuz uçuş aparatları ilə zərbələr endirildiyini iddia edib.
Bildirilib ki, hücumlar nəticəsində sursat anbarları və yanacaq çənlərində yanğın baş verib. SEPAH əməliyyatın davam etdiyini vurğulayıb.
