Prezident İlham Əliyev bildirib ki, Azərbaycan ilə ABŞ arasında münasibətlər hazırda ən yüksək səviyyədədir.
Dövlət başçısı bu fikirləri IV Şuşa Qlobal Media Forumunun açılış mərasimində səsləndirib.
Prezident Trampla görüşlərinə toxunan dövlət başçısı deyib: “Prezident Trampla tarixi görüşümüz ötən ilin avqustunda Vaşinqtonda baş tutdu. Daha sonra isə bu ilin yanvarında biz Davosda yenidən görüşdük. Onlar Prezident Trampın qurucusu olduğu Sülh Şurasının təsisedici bir üzvü kimi də Azərbaycanı dəvət edib. Daha sonra isə Vitse-prezident Vens Azərbaycana səfər etdi, biz strateji tərəfdaşlığın qurulması ilə bağlı bəyannaməyə imza atdıq. Bir çox digər meyarlar nümayiş etdirir ki, münasibətlərimiz hazırda pik səviyyəsindədir. Biz heç vaxt belə münasibətlərə buna nail olmamışdıq”.
