Lerikdə 15 kiloqramdan çox narkotik vasitə aşkarlanıb.
Lerik Rayon Polis Şöbəsinin əməkdaşlarının keçirdikləri əməliyyat tədbiri nəticəsində narkotik vasitələrin qanunsuz dövriyyəsində şübhəli bilinən 30 yaşlı Murtuz Məmmədli saxlanılıb.
Onun üzərindən və ya olduğu yerdən ümumilikdə 15 kiloqramdan artıq narkotik vasitə aşkarlanaraq götürülüb.
Araşdırma zamanı Murtuz Məmmədlinin narkotik vasitələri xaricdə yaşayan narkotacirdən əldə etdiyi və maddi qazanc qarşılığında əvvəlcədən müəyyənləşdirilmiş ünvanlara çatdırmağa razılaşdığı müəyyən edilib.
Faktla bağlı cinayət işi başlanılıb. Saxlanılan şəxs barəsində həbs qətimkan tədbiri seçilib.
Araşdırma davam etdirilir.
