Bakının Sabunçu rayonunda avtomobildən 78 min manata yaxın pul vəsaitinin oğurlanması barədə məlumat daxil olub.
Sabunçu Rayon Polis İdarəsinin 14-cü Polis Şöbəsinin əməkdaşlarının keçirdiyi tədbirlər nəticəsində oğurluqda şübhəli bilinən, əvvəllər məhkum olunmuş 43 yaşlı T.Nəzərov saxlanılıb.
Rayonda qeydə alınan digər hadisə zamanı isə evlərdən birindən elektrik naqilləri və 730 manat dəyərində su nasosunun oğurlandığı müəyyən edilib.
Polis əməkdaşlarının keçirdiyi tədbirlər nəticəsində bu hadisədə də şübhəli bilinən, əvvəllər məhkum olunmuş 34 yaşlı K.Qasımov müəyyən edilərək saxlanılıb.
Hər iki faktla bağlı araşdırma aparılır.
