Rusiya ordusu son sutkada aviasiya, pilotsuz uçuş aparatları və artilleriyadan istifadə etməklə Ukraynanın Xerson vilayətində 36 yaşayış məntəqəsinə hücum edib.
Vilayət Hərbi Administrasiyasının rəhbəri Aleksandr Prokudinin məlumatına görə, hücumlar nəticəsində iki nəfər həlak olub, 24 nəfər yaralanıb.
Zərbələr zamanı yaşayış məhəllələri, kritik və sosial infrastruktur obyektləri, qaz kəmərləri, yanacaqdoldurma məntəqəsi, kilsə, mağazalar, çoxmərtəbəli və fərdi yaşayış evləri, təsərrüfat tikililəri, qarajlar və avtomobillər zədələnib.
Xerson Şəhər Hərbi Administrasiyası hücumların Xerson şəhəri ilə yanaşı Kamışan, Antonovka, Priozernı və Zimovik yaşayış məntəqələrini də əhatə etdiyini açıqlayıb.
