Rusiya ordusunun Ukraynanın Sumı və Dnepropetrovsk vilayətlərinə endirdiyi zərbələr nəticəsində azı 3 nəfər həlak olub, 30 nəfər yaralanıb.
Məlumata görə, ötən sutka ərzində Sumı vilayətinə hücumlar nəticəsində 25 nəfər xəsarət alıb.
Dnepropetrovsk vilayətinin isə beş rayonuna pilotsuz uçuş aparatları və artilleriyadan istifadə edilməklə 20-dən çox zərbə endirilib. Nəticədə 3 nəfər ölüb, 5 nəfər yaralanıb.
Vilayət Hərbi Administrasiyasının rəhbəri Aleksandr Qanja bildirib ki, ölənlər və xəsarət alanlar arasında uşaqlar da var.
