Azərbaycanda sentyabrın 26-da havanın əsasən yağmursuz keçəcəyi gözlənilir.
Bakıda və Abşeron yarımadasında hava dəyişkən buludlu olacaq və əsasən yağmursuz keçəcək. Mülayim şimal-qərb küləyi səhər şimal-şərq küləyi ilə əvəz olunacaq.
Havanın temperaturu gecə 18-21°, gündüz 24-27° isti olacaq.
Azərbaycanın əksər rayonlarında hava əsasən yağmursuz keçəcək. Lakin gündüz bəzi dağlıq və dağətəyi rayonlarda arabir yağış yağacağı, ayrı-ayrı yerlərdə yağışın qısamüddətli leysan xarakterli olacağı, şimşək çaxacağı və dolu düşəcəyi ehtimalı var. Gecə və səhər dağlıq ərazilərdə duman olacaq.
Mülayim şərq küləyi əsəcək. Havanın temperaturu rayonlarda gecə 18-21°, gündüz 27-32°, dağlarda gecə 10-15°, gündüz 19-24° isti olacaq.
