Milli Hidrometeorologiya Xidmətinin məlumatına görə, iyulun 28-də Azərbaycanda havanın əsasən yağmursuz keçəcəyi gözlənilir.
Bakıda və Abşeron yarımadasında şimal-qərb küləyi əsəcək, günün ikinci yarısında isə mülayim şimal-şərq küləyi ilə əvəz olunacaq. Paytaxtda havanın temperaturu gecə 22-25°, gündüz 29-33° isti olacaq.
Rayonlarda da yağıntı gözlənilmir, bəzi dağlıq ərazilərdə arabir duman müşahidə olunacaq. Qərb küləyi bəzi yerlərdə arabir güclənəcək.
Havanın temperaturu rayonlarda gecə 22-27°, gündüz 35-39°, bəzi ərazilərdə isə 40-41° isti olacaq. Dağlıq ərazilərdə gecə 15-20°, gündüz 25-30° isti proqnozlaşdırılır.
