Səudiyyə Ərəbistanına məxsus ticarət gəmisinin Babül-Məndəb boğazında raket zərbəsinə məruz qaldığı bildirilir.
Hadisə nəticəsində 3 ekipaj üzvünün həlak olduğu, onlardan 2-nin Pakistan, 1-nin isə İndoneziya vətəndaşı olduğu qeyd edilir.
Qeyd edək ki, Babül-Məndəb boğazında son günlər gəmiçilik təhlükəsizliyi ilə bağlı vəziyyət gərginləşib və bölgədə ticarət gəmilərinə hücumlar həyata keçirildiyi barədə məlumatlar yayılır. Reuters-in məlumatına görə, husilərin Səudiyyə ilə əlaqəli tankerlərə hücum iddialarından sonra boğazdan keçən gəmi sayında kəskin azalma qeydə alınıb.
