Laos Prezidenti Thonqlun Sisulit Azərbaycana səfəri çərçivəsində “ASAN xidmət” mərkəzinin fəaliyyəti ilə tanış olub.
Prezidentə Agentliyin sədri Ülvi Mehdiyev tərəfindən “ASAN xidmət” mərkəzləri və innovasiyalar sahəsində həyata keçirilən layihələr barədə ətraflı məlumat verilib.
Bildirilib ki, “ASAN xidmət” modelinin intellektual məhsul kimi ixracı istiqamətində 50-dən çox ölkə ilə əməkdaşlıq edilir.
Thonqlun Sisulit “ASAN xidmət”in fəaliyyətindən təsirləndiyini, innovativ və vətəndaş məmnunluğuna əsaslanan xidmət modelini yüksək qiymətləndirdiyini bildirib. O, bu təcrübənin öyrənilməsi və Laosda tətbiqi imkanlarının araşdırılması ilə bağlı müvafiq göstəriş verəcəyini qeyd edib.
Laos Prezidenti, həmçinin “INNOLAND” İnkubasiya və Akselerasiya Mərkəzi, Səyyar “ASAN xidmət” və “ABAD” publik hüquqi şəxsin fəaliyyəti ilə tanış olub.
