Rusiya-Ukrayna müharibəsi Ukraynaya gündə 450 milyon dollara başa gəlir.
Ukraynanın xarici işlər naziri Andrey Sibiqa bildirib ki, hazırda Kiyev və Moskva arasında sülh prosesində dinamika yoxdur.
Onun sözlərinə görə, Ukrayna qeyd-şərtsiz atəşkəsə və prezidentlər səviyyəsində görüşə hazırdır. Sibiqa diplomatiyanın müharibənin dayandırılması üçün yeni dinamika qazanmalı olduğunu qeyd edib.
Nazir vurğulayıb ki, Kiyev Ukraynanın ərazi bütövlüyü hesabına heç bir təklifi qəbul etməyəcək.
Sibiqa həmçinin ABŞ nümayəndələrinin yaxın vaxtlarda Ukraynaya səfərinin gözlənildiyini bildirib. Onun sözlərinə görə, Kiyev ABŞ və Avropa ilə birlikdə sülhə nail olmaq üçün müxtəlif imkanlardan istifadə edir.
