“Sabah” UEFA Çempionlar Liqasının III təsnifat mərhələsində bu gün Danimarkanın “Orhus” komandasını qəbul edəcək.
Qarşılaşma Masazırdakı “Bank Respublika Arena”da keçiriləcək və saat 20:00-da başlayacaq.
Komandalar arasında Danimarkada keçirilən ilk görüşdə “Orhus” 2:1 hesabı ilə qalib gəlib. Buna görə də Azərbaycan çempionuna növbəti mərhələyə yüksəlmək üçün doğma meydanda ən azı iki top fərqli qələbə və ya 1:0 hesablı qələbə lazım olacaq. 2:1 hesabı isə əlavə vaxta səbəb olacaq.
“Sabah” “Orhus”u mübarizədən kənarlaşdıracağı halda, Çempionlar Liqasının pley-off mərhələsində “Hapoel” (Beer-Şeva, İsrail) – “Srvena Zvezda” (Serbiya) cütünün qalibi ilə qarşılaşacaq.
Azərbaycan çempionu Danimarka təmsilçisinə məğlub olarsa, mübarizəni UEFA Avropa Liqasının pley-off mərhələsində davam etdirəcək və burada “Benfika” (Portuqaliya) – “Harts” (Şotlandiya) cütünün qalibi ilə üz-üzə gələcək.
