Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev vətəndaşların növbəti qəbulunu keçirib.
Dövlət Komitəsinin məlumatına görə, qəbul zamanı vətəndaşların müraciətləri diqqətlə dinlənilib və qaldırılan məsələlərin qanunvericiliyə uyğun qaydada araşdırılaraq həll ediləcəyi bildirilib.
Müraciətlər əsasən işğaldan azad edilmiş ərazilərə qayıdış, köçürülmə prinsipləri, sorğularda iştirak, məşğulluq, müvəqqəti məskunlaşma yerlərində mənzil-məişət şəraitinin yaxşılaşdırılması, kommunal xidmətlər, status, vahid aylıq müavinət və digər sosial məsələlərlə bağlı olub.
