Yəməndə fəaliyyət göstərən husilər Səudiyyə Ərəbistanının Nəcran hava limanına pilotsuz uçuş aparatı (PUA) ilə zərbə endirdiklərini bəyan ediblər.
Husilərin “Telegram” kanalında yayılan məlumata görə, hücumun Səədə və Həccə əyalətlərində Yəmənin hava məkanının pilotsuz uçuş aparatları ilə pozulmasına cavab olaraq həyata keçirildiyi bildirilib.
Bəyanatda Səudiyyə Ərəbistanına Yəmənin hava məkanının pozulmasının cavabsız qalmayacağı ilə bağlı xəbərdarlıq da yer alıb.
